torner

Torner, ou Tourner, acut. Est tantost actif, comme tornez à dire cela, Isthuc narra denuo, Repete. Tornez la table, Mensam circumduce. Tornez vostre manteau, Pallium inuerte. Et par metaphore, Il a torné sa Jacquete, pour dire il a quitté sa foy, son serment, sa religion, son prince, pour prendre le rebours, ce qui semble estre ainsi dit de ceux qui estans ou craintifs des coups, ou traistres en une bataille, mettent et tournent à l'envers leurs casacques, ou hoquetons. Tantost est neutre, comme, Il ne fait que torner çà et là, Huc illucque circumagitur.

Torner aux flancs de la mere, est dit l'enfant qui est porté en son ventre, parce que selon le dire des medecins, l'enfant au huictiesme mois de sa portée, se meut et translate d'un flanc à l'autre, ou parce que à l'issir du ventre de la mere, il tourne les pieds contremont, ou de soy ou par industrie de la sage femme, In vtero se conuertere. Ainsi on dit, Je l'ay porté, et, Il a torné en mes flancs, Gestaui illum vtero atque peperi.

Thresor de la langue françoyse. Jean Nicot.